2.
| 1 | Sed tamen etsi in mari fluctuat, currit in fluminibus; et vide ne in illis fluminibus magis, de quibus dictum est: Elevaverunt flumina vocem suam (Psal. XCII, 3). |
| 2 | Sunt enim flumina, quae de ventre eius fluent, qui potum a Christo acceperit, et de Spiritu Dei sumpserit (Ioan. VII, 38). |
| 3 | Haec ergo flumina, cum redundant spiritali gratia, elevant vocem suam. |
| 4 | Est et fluvius qui decurrit in sanctos suos sicut torrens (Esai. LXVI, 12). |
| 5 | Est et fluminis impetus, qui laetificat animam pacificam atque tranquillam (Psal. XLV, 5). |
| 6 | Ex huius fluminis plenitudine quicumque acceperit, sicut Ioannes Evangelista, sicut Petrus et Paulus, elevat vocem suam: et sicut apostoli evangelicae praedicationis vocem usque in totos fines orbis terrarum canoro diffuderunt praeconio; ita et iste incipit evangelizare Dominum Iesum. |
| 7 | Accipe ergo a Christo, ut et tuus sonus exeat. |